Վերսկսվում է «Աշխարհացույց»-ի եռամսյա վերապատրաստումների 4-րդ փուլը
«Վիզուալ Հայաստան» զարգացման հիմնադրամը մարտի 1-ից վերսկսում է «Աշխարհացույց» կրթական հարթակի ճանաչման և գործածման եռամսյա հեռավար անվճար վերապատրաստումները։ Հանդիպումների օրն ու ժամն անփոփոխ է՝ յուրաքանչյուր ուրբաթ՝ ժամը 19:00-ին, Zoom հարթակում։
Վերապատրաստումներին մասնակցելու համար անհրաժեշտ է մինչև փետրվարի 25-ը գրանցվել հետևյալ հղումով։
Եռամսյա սեմինարի ընթացքում ուսուցիչները․
- զրոյից կսովորեն կիրառել «Աշխարհացույց» կրթական հարթակի գործիքակազմը,
- կիրականացնեն դասեր «Աշխարհացույց» կրթական հարթակի միջոցով՝ կիրառելով տարբեր հնարներ ու մեթոդներ,
- կկիրառեն դասերի ընթացքում և հնարավորություն կունենան այն ներկայացնել մեր հեռավար դասընթացների ժամանակ։
Ուշադրություն․ ուսուցիչը վերապատրաստումներին կարող է հանդես գալ որպես բանախոս՝ աշխատելով հետևյալ ձևաչափով։
Եռամսյա դասընթացի ավարտին այն ուսուցիչները, որոնք
- մասնակցել են վերապատրաստումներին,
- կիրառել են հարթակը դասերի ընթացքում,
- կիսվել են իրենց փորձով գործընկերների հետ,
կստանան Visual Armenia Foundation / Վիզուալ Հայաստան հիմնադրամ-ի «Աշխարհացույց» ծրագրի կամավոր մասնակցության հավաստագրեր։
