Կրթական նորարարության արժեքը որոշվում է ոչ միայն այն հետաքրքրությամբ, որն այն առաջացնում է, այլև մասնագիտական որակով, կիրառելիությամբ և կրթական համակարգի պահանջներին համապատասխանությամբ:
«Աշխարհացույց» կրթական հարթակը, ուսումնամեթոդական ռեսուրսներն ու ուսուցիչների մասնագիտական զարգացման ծրագրերը փուլ առ փուլ անցել են պետական և մասնագիտական գնահատման գործընթացներ՝ ստանալով ՀՀ կրթության, գիտության, մշակույթի և սպորտի նախարարության և (կամ) ԿԶՆԱԿ հիմնադրամի պաշտոնական ճանաչումն ու երաշխավորումը։
Այս ձեռքբերումները մեզ համար պարզապես կարգավիճակներ չեն։ Դրանք հաստատում են, որ մեր ստեղծած լուծումները կարող են վստահորեն կիրառվել Հայաստանի հանրակրթական համակարգում՝ ծառայելով ուսուցչին, դպրոցին և սովորողին։
2022 թվականի ապրիլի 14-ին «Աշխարհացույց» կրթական նորարարական հարթակը ճանաչվեց որպես հանրակրթական դպրոցներում կիրառելի ուսումնաօժանդակ ինտերակտիվ գործիք։
Սա կարևոր առաջին հանգրվան է, որովհետև հենց այստեղ տեխնոլոգիական նորարարությունը ստացավ կրթական համակարգում կիրառելի գործիքի պաշտոնական կարգավիճակ։
2024 թվականի օգոստոսի 21-ին Հիմնադրամը երաշխավորվեց որպես ուսուցիչների հերթական պարտադիր վերապատրաստումներ իրականացնող կառույց:
Այս ճանաչմամբ «Վիզուալ Հայաստանի» վերապատրաստման ծրագրերը դարձան ուսուցիչների պետական մասնագիտական զարգացման համակարգի մաս՝ հնարավորություն տալով վաստակելու կրթական կրեդիտներ։
2024 թվականի հոկտեմբերի 17-ին «Աշխարհացույցն ուսուցչի սեղանին» ձեռնարկը երաշխավորվեց որպես ուսումնամեթոդական ռեսուրս:
Ձեռնարկին իրենց դրական կարծիքն են տվել՝
2025 թվականի սեպտեմբերի 16-ին «Նախագծային ուսուցում «Աշխարհացույցի» օգնությամբ» ծրագիրը դարձավ Հայաստանի Հանրապետությունում նախագծային ուսուցման ոլորտի առաջին հավաստագրված ծրագիրը՝ ստեղծելով նախադեպ։
2025 թվականի հունիսի 10-ին «ՍԻՆԹԵԶ» ուսուցիչների մասնագիտական զարգացման ծրագիրը երաշխավորվեց որպես ոչ ֆորմալ կրթական ծրագիր։ Ծրագիրը համադրում է նախագծային ուսումնառությունը, էսսեագրությունը, թվային կրթությունը և 21-րդ դարի ուսուցչին անհրաժեշտ այլ կարողություններ։
2026 թվականի հունվարի 16-ին «Աշխարհացույցի մենթորական կրթաթոշակ» ծրագրի ուսումնական ծրագիրը երաշխավորվեց որպես լրացուցիչ կրթության մոդուլային ծրագիր։ Այն ուսուցիչներին օգնում է զարգանալ ոչ միայն որպես մասնագետներ, այլև որպես մենթորներ և կրթական առաջնորդներ։
2026 թվականի մայիսի 22-ին «Աշխարհացույցի եռամսյա վերապատրաստումներ» ծրագիրը ևս երաշխավորվեց որպես լրացուցիչ կրթության մոդուլային ծրագիր։ Ծրագիրը ուսուցիչներին տրամադրում է ժամանակակից մանկավարժական գիտելիքներ, թվային գործիքներ և «Աշխարհացույցի» արդյունավետ կիրառման հմտություններ։
Ուսուցչի համար
Վստահություն, որ կիրառվող բովանդակությունը, գործիքներն ու վերապատրաստումները համապատասխանում են պետական կրթական պահանջներին։
Դպրոցի համար
Հնարավորություն՝ պաշտոնապես ճանաչված ծրագրերի միջոցով զարգացնելու ուսուցիչների մասնագիտական կարողություններն ու դասավանդման որակը։
Կրթական համակարգի համար
Հայաստանում ստեղծված նորարար լուծումների կայուն ինտեգրում հանրակրթության մեջ։
Գործընկերների համար
Հաստատում, որ աջակցվող նախաձեռնություններն անցել են պետական և մասնագիտական գնահատման գործընթացներ և ունեն համակարգային կիրառման ներուժ։
Պաշտոնական երաշխավորումը մեզ համար աշխատանքի ավարտ չէ։ Այն ավելի բարձր պատասխանատվության սկիզբ է։
Մենք շարունակում ենք մշտադիտարկել ծրագրերի արդյունավետությունը, լսել կրթական համայնքին, վերանայել բովանդակությունն ու մեթոդաբանությունները և կատարելագործել յուրաքանչյուր լուծում՝ համահունչ կրթական համակարգի զարգացող պահանջներին։
