2023-2026 թթ․ Ծրագրով վերազինվել է ՀՀ հանրակրթական դպրոցների շուրջ 23%-ը։ Այս ծրագրով կատարվել է 355 մլն դրամի ներդրում ՀՀ հանրակրթության մեջ։
Համադրելով ժամանակակից կրթական տեխնիկան դասավանդման առաջատար մեթոդաբանությունների հետ՝ մենք վերափոխում ենք դասարանը թե՛ տարածական, թե՛ մանկավարժական առումներով․ նստարանների քարացած շարքերն իրենց տեղն են զիջում դինամիկ միջավայրին, որտեղ սովորողները կարող են հավաքվել համագործակցային սեղանների շուրջ։ Ծրագրի ինտերակտիվ, աշակերտակենտրոն բնույթը հին մեթոդները դարձնում է ժամանակավրեպ՝ ճանապարհ հարթելով դեպի առավել համագործակցային դաս։
42
48
30
32
20
30
28
47
23
6
16
Յուրաքանչյուր սմարթ-էկրան հնարավորություն է ընձեռում մուտք գործել «Աշխարհացույցի» կրթական բովանդակություն՝ դինամիկ քարտեզներ, կրթական հոդվածներ, ժամանակի սանդղակ, լուսանկարներ, տեսանյութեր, որոնք դասը վերափոխում են ներգրավող փորձառության։ Յուրաքանչյուր սմարթ-էկրան պատուհան է դեպի արդի կրթական աշխարհ։
Այն ոչ միայն տեխնիկա է, այլև կրթելու ու կրթվելու մշակույթը փոխակերպելու հզոր միջոց։
«Գիտե՞ք՝ երբ եմ դասս հաջողված համարում։ Երբ զգում եմ, որ աշակերտներիս բոլոր զգայարաններն ակտիվ են, երբ աշակերտներս դասասենյակը լքում են ժպիտը դեմքներին։ Հիմա աշակերտներս դարձել են հետազոտողներ։ Անգամ նրանք, որոնք նստած են վերջում, ակամայից ներգրավվում են։ Ոգևորությունն ակնհայտ է»։
«Մրցույթի ամփոփմանը սպասելը, կարծես, Օսկարի սպասում լիներ․ մենք գերլարված էինք և անհամբեր»։
«Ժողովրդական ասացվածք կա։ Ասում են՝ անսովորին մի սովորեցրու, սովորին էլ մի կտրի։ Հիմա մենք սովորել ենք, այլևս չեմ պատկերացնում դասերն առանց «Աշխարհացույցի» և սմարթ-էկրանի։ Երբ սմարթ-էկրանը եկավ դպրոց, կարծես լուսավորեց բոլոր մութ անկյունները»։
