«Երբ մտա դպրոց, պատմության հանդեպ հետաքրքրություն չկար։ Հիմա ունեմ երեխաներ, որ Օլիմպիադայի են մասնակցելու․․․ Նրանք հենց լսում են «Աշխարհացույցի» մասին, իրար հերթ չեն տալիս։ Սա մեծ ուրախություն է»։

«Աշխարհացույցը նախ մարդու մասին է, բարության, հետո՝ գիտելիքների ու հմտությունների։ Անվախության մասին, վախերից ձերբազատվելու մասին․․․»

«Աշխարհացույցը լույս է, ու դու վարակվում ես այդ լույսով։ Կանգ առած կրթական համակարգում դուք մեզ նոր հույս ու հավատ տվեցիք, իսկ հիմա այդ լույսն արդեն մերն է, մենք ենք այն տարածելու»։

«Այս ձեռնարկը հեղափոխություն է մեր կյանքում։ «Աշխարհացույցի» ու ձեռնարկի շնորհիվ է, որ նոր պետական չափորոշիչը դառնում է դասարանում կիրառելի։ Իմ բոլոր դասերն այժմ վերածվել են բաց դասերի»

«Այս ձեռնարկը մեր բոլորի երազանքն է։ Ռեսուրսները, որոնք ինձ պետք են, այսուհետև ձեռքիս տակ են։ Ես այլևս վախ չունեմ, թե ով ու երբ կգա դաս լսելու։ Իսկ «Աշխարհացույցը» պարզապես զգացողություն է դարձել»

««Աշխարհացույցն ուսուցչի սեղանին» ձեռնարկը երկար սպասված և անգնահատելի ռեսուրս է հումանիտար առարկաների ուսուցիչների համար։ Դրա կարևորությունը դժվար է թերագնահատել»

«Վերապատրաստումները նոր մեկնարկ էին իմ մասնագիտական ճանապարհին։ Դրանք տվեցին ինձ այն ամենը, ինչի կարիքը երկար տարիներ զգացել եմ որպես ուսուցիչ»:

«Տեխնոլոգիական առաջընթացը ինձ ստիպեց շատ դասընթացների մասնակցել, բայց Աշխարհացույցինն անմրցունակ են։ Աշխարհացույցը ինձ տվեց նոր լույս և այդ լույսը ես կարողանում եմ օգտագործել հայրենիքիս կրթության ու զարգացման գործին»։

Շնորհավորում եմ բոլորիս՝ որպես ուսուցիչներ, որ մեր կողքին կա այսպիսի հզոր թիմ։ Դուք ստեղծել եք մի միջավայր, առանց որի ոչ թե դժվար է այլևս, այլ՝ անհնար։ Ինձ համար՝ որպես մարդ, քաղաքացի և մայր, չափազանց կարևոր է, որ դուք ձեր գործով նպաստում եք մեր երկրի զարգացմանը, իսկ մեր պետությունը իմ թուլությունն է։

«Մենթորական ծրագիրը մի ամբողջական աճի ճանապարհ էր։ Մինչև ծրագիրը ես ինձ համարում էի լավ ուսուցիչ, բայց հիմա եմ հասկանում, թե որքան ավելին իմանալու կարիք ունեի։ Շարունակական կրթության կարևորությունը կյանքիս կարևորագույն դասը դարձավ»։

«Ես էլ առաջ անընդհատ դժգոհում էի, ու ուզում էի դպրոցից դուրս գալ, որովհետև ես ինձանից դժգոհ էի։ Բայց երբ սկսեցի քայլել «Աշխարհացույցի» հետ, հասկացա, որ սա այն էր, ինչ ինձ պետք է։ Գիտեք, մեր շնորհակալությունների ակունքը մեր աշակերտների ժպիտներն են, աչքերն են, որ մենք տեսնում ենք ձեր շնորհիվ։

Ես ոչ մի տեղ չեմ տեսել ուսուցչի հանդեպ այսպիսի հարգանք, վերաբերմունք։ Ինձ հնարավորություն տվեցիք լինել լիարժեք մանկավարժ։ Աշխատեցիք մեր վախերի հետ․․․։ Ըստ իս՝ Հանրապետությունում միակ թիմն է, որը իրոք արդյունք է ստանում ուսուցիչների վերապատրաստման գործում

«Գիտե՞ք՝ երբ եմ դասս հաջողված համարում։ Երբ զգում եմ, որ աշակերտներիս բոլոր զգայարաններն ակտիվ են, երբ աշակերտներս դասասենյակը լքում են ժպիտը դեմքներին։ Հիմա աշակերտներս դարձել են հետազոտողներ։ Անգամ նրանք, որոնք նստած են վերջում, ակամայից ներգրավվում են։ Ոգևորությունն ակնհայտ է»։

«Մրցույթի ամփոփմանը սպասելը, կարծես, Օսկարի սպասում լիներ․ մենք գերլարված էինք և անհամբեր»։

«Ժողովրդական ասացվածք կա։ Ասում են՝ անսովորին մի սովորեցրու, սովորին էլ մի կտրի։ Հիմա մենք սովորել ենք, այլևս չեմ պատկերացնում դասերն առանց «Աշխարհացույցի» և սմարթ-էկրանի։ Երբ սմարթ-էկրանը եկավ դպրոց, կարծես լուսավորեց բոլոր մութ անկյունները»։