Վերափոխման պատմություն․ «Վիզուալ Հայաստան» զարգացման հիմնադրամի առաջին չորս տարիները

Չորս տարի։ Հարյուրավոր դպրոցներ։ Հազարավոր ուսուցիչներ։ Տասնյակ հազարավոր աշակերտներ։ Եվ մեկ ընդհանուր տեսլական՝ վերաիմաստավորել, թե ինչպես է գիտելիքը փոխանցվում և կիրառվում Հայաստանի հանրակրթական դպրոցներում։

Պատիվ ունենք ներկայացնել «Վիզուալ Հայաստան» զարգացման հիմնադրամի քառամյա՝ 2021-2024 թվականների հաշվետվությունը՝ վերափոխման պատմությունը։

Սա ավելին է, քան պարզապես զեկույց։ Սա մարդկանց, գաղափարների և կոլեկտիվ ջանքերի պատմություն է, որը նոր գլուխ բացեց հայկական կրթության մեջ՝ մի ճանապարհորդություն, որը սկսվեց մեկ կայծով՝ «Բ­րեյ­նոգ­րաֆ» կր­թա­կան տեխ­նո­լո­գի­այով, և վերաճեց նորարարության մի էկոհամակարգի, որը հայտնի է որպես «Աշխարհացույց»։

Այս էջերում դուք կգտնեք ոչ միայն տվյալներ և ձեռքբերումներ, այլև մարդկային պատմություններ՝ ուսուցիչների մասին, ովքեր խիզախել են փոխվել և մարտահրավեր նետել իրենք իրենց, աշակերտների մասին, որոնք վերարժևորել են ուսուցումը, և գործընկերների, ովքեր հավատացել են, որ կրթությունը կարող է վերափոխել երկրի ապագան։

«­Հա­յաս­տա­նում կր­թու­թյան ո­րա­կի նկատ­մամբ միշտ եմ ու­նե­ցել մտա­հո­գու­թյուն­ներ, սակայն շատ ա­վե­լի խորն ան­հանգս­տու­թյուն ապ­րե­ցի, ե­րբ դուստրս՝ 6-րդ դա­սա­րա­նի ա­շակեր­տու­հի Նա­րես, մո­տե­ցավ ի­նձ Հայոց պատ­մու­թյան դա­սի բա­ցատ­րու­թյու­նը ստա­նա­լու ա­կն­կա­լի­քով. 2020 թ. նոյեմ­բերն է­ր։ Դա­սագր­քի է­ջե­րը թեր­թե­լով և մի­ա­ժա­մա­նակ հար­ցե­րի տա­րափ ստա­նա­լով՝ հաս­կա­ցա, որ 21-րդ դա­րի ա­շա­կերտն ու­նի դա­սա­մա­տուց­ման բո­լորո­վին այլ պա­հանջ­ներ», — հաշվետվության իր ուղերձում նշում է Հիմնադրամի գործադիր տնօրեն, Աշխարհացույց կրթական հարթակի հեղինակ Հովհաննես Ղազարյանը։

Այո, սա պա­տա­հա­կան զար­գա­ցում չէր, այլ՝ հա­վակ­նոտ նո­րա­րա­րու­թյուն, ո­րը, սկզբ­նա­վորվե­լով Հայոց պատ­մու­թյու­նից, պետք է «­կեն­դա­նու­թյուն տար» Հա­յաս­տա­նի դպ­րոց­նե­րում դա­սա­վանդ­վող ա­ռար­կա­նե­րին՝ դրանք դարձ­նե­լով պատ­կե­րա­վոր, փոխ­կա­պակց­ված և դի­նա­միկ։ «Աշխարհացույցը» ներդր­վեց դպ­րոց­նե­րում 2021 թ. աշ­նա­նը և այս չորս տա­րինե­րի ըն­թաց­քում դար­ձավ հայ­կա­կան դպ­րո­ցի հա­մար ստեղծ­ված ու ըն­դուն­ված ա­մենա­շո­շա­փե­լի նո­րա­րա­րու­թյու­նը։ Այն իր հեր­թին կար­ծես շար­ժում ձևա­վո­րեց և կյանք տվեց մի շարք կա­րի­քա­հեն ծրագ­րե­րի։­

Ինչ­պես բնու­թյան օ­րենք­նե­րով գե­տի հունն է սկիզբ առ­նում իր ա­կուն­քից և կեր­տում սեփա­կան ու­ղին՝ հար­մար­վե­լով բնա­կան պայ­ման­նե­րին ու իր հեր­թին սնե­լով և վե­րա­փոխե­լով մի­ջա­վայ­րը, այն­պես էլ «Բ­րեյ­նոգ­րաֆ» կր­թա­կան տեխ­նո­լո­գի­ան դար­ձավ «Աշխար­հա­ցույց» նո­րա­րա­րա­կան կր­թա­կան է­կո­հա­մա­կար­գի ա­կուն­քը, ո­րը պետք է գտ­ներ իր հու­նը։ Վե­րած­վե­լով կր­թա­կան ը­նդ­գր­կուն նա­խա­ձեռ­նու­թյան՝ այն այ­սօր նե­րա­ռում է ծրագ­րային և թե­մա­տիկ բո­վան­դա­կու­թյան ստեղծ­ման, ու­սու­ցիչ­նե­րի մաս­նա­գի­տա­կան հզո­րաց­ման, դպ­րոց­նե­րը տեխ­նի­կա­պես վե­րա­զի­նե­լու բազ­մա­թիվ ծրագ­րեր՝ ներգ­րա­վելով տաս­նյակ հա­զա­րի հաս­նող ու­սուց­չա­կան ու ա­շա­կեր­տա­կան հա­մայնք­նե­ր։­

«­Ու­սու­ցիչ­նե­րը մեր հա­սա­րա­կու­թյու­նը կեր­տող զին­վոր­ներն ե­ն։ Նրանք ա­շա­կեր­տի կյանքի ու­ղին նա­խան­շե­լու, նրանց ան­հա­տա­կան տա­ղանդ­նե­րը բա­ցա­հայ­տե­լու և նրանց ո­գեշն­չե­լու կա­րո­ղու­թյուն ու­նեն։ Նրանք կա­րող են փո­խել ե­րկ­րի ճա­կա­տա­գի­րը, ե­թե հաջո­ղու­թյան հաս­նեն դա­սա­րան­նե­րում։ Մենք պետք է ա­մեն ի­նչ ա­նենք նրանց ա­ջակ­ցե­լու և հմ­տու­թյուն­նե­րը բա­րե­լա­վե­լու հա­մար»,- հաշվետվության իր ուղերձում նշում է «­Մա­նու­կյան Սի­մոն» հիմ­նադ­րա­մի նա­խա­գահ, «­Վի­զո­ւալ Հա­յաս­տան» զար­գաց­ման հիմ­նադ­րա­մի ռազմավարական գործընկեր Քրիստին Սիմոնը։

Ա­հա այս­պես՝ հս­տակ գի­տակց­մամբ սկս­վեց մնա­յուն հա­մա­կար­գային փո­փո­խու­թյուննե­րի մեր ճա­նա­պար­հը, ո­րը բնա­կան հու­նով ըն­թա­ցավ դե­պի այն մի­ջա­վայր, ո­րը նպատա­կադր­ված էր վե­րա­փո­խե­լու։

Հաշվետվության միջոցով ձեզանից յուրաքանյուրը կարող է ծանոթանալ «Վիզուալ Հայաստան» հիմնադրամի ստեղծման պատմությանը, մեր սկզբունքներին, մոտեցումներին, մեր անցած դժվարին ու ձեռքբերումներով լի ճանապարհին։ Հաշվետվությունը հնարավորություն է տեսնելու այն ողջ ետնաբեմի աշխատանքն ու այն մարդկանց, որոնց ջանքերով, աջակցությամբ ու գործընկերությամբ հնարավոր եղավ ընդամենը չորս տարիների ընթացքում հեղափոխական գաղափարը դարձնել ՀՀ հարյուրավոր դպրոցներում ստեղծված հսկայական արդյունք և ազդեցություն։

✨ Որովհետև ապագան պարզապես չի գալիս, այն կառուցվում է դաս առ դաս՝ մեր դասարանների պատերի ներքո։

Քառամյա հաշվետվությունը հասանելի է այստեղ՝ https://heyzine.com/flip-book/2b7f3dd1ab.html#page/1

Միացե՛ք վերափոխման այս պատմությանը, դարձե՛ք դրա մասնիկը։

This site is registered on wpml.org as a development site. Switch to a production site key to remove this banner.