Մարզային վերապատրաստումների եռաստիճան համակարգի մեկնարկով «Վիզուալ Հայաստան» զարգացման հիմնադրամի «Աշխարհացույց» կրթական ծրագիրը զարգացման նոր և կարևոր փուլ է մտնում։ Այս նորամուծության նպատակը կրթության որակի կայուն բարձրացումն է, որպեսզի ժամանակակից կրթական մոտեցումները հասանելի դառնան Հայաստանի բոլոր մարզերում և մայրաքաղաքում։
Տեղային առաջնորդություն՝ հանուն համակարգային փոփոխության
Ծրագրի կարևոր առանձնահատկություններից է տեղային կարողությունների զարգացումը․ յուրաքանչյուր մարզում և Երևանում Հիմնադրամի մենթորության ծրագրի շրջանավարտներից ընտրվել է մեկ վերապատրաստող ուսուցիչ, որը հատուկ պատրաստություն է անցել Աշխարհացույցի մեթոդաբանությունը և ուսուցման մշակույթը համայնքներում տարածելու համար։ Այս մոդելը հնարավորություն է տալիս ձևավորելու տեղային կրթական առաջնորդների կայուն ցանց, որը կապահովի շարունակական մասնագիտական աջակցություն, փորձի փոխանցում և կրթական նորարարությունների խորքային ներդրում դպրոցներում։
Ինչո՞վ է առանձնահատուկ այս ծրագիրը
Մարզային վերապատրաստումների եռաստիճան համակարգը կառուցված է այնպես, որ ապահովի ոչ միայն գիտելիքի փոխանցում, այլ նաև՝
- ուսուցիչների մասնագիտական շարունակական աճ,
- համայնքային կրթական միջավայրի ակտիվացում,
- փորձի փոխանակում և փոխուսուցում,
- կրթական նորարարությունների կայուն ներդրում։
Վերապատրաստող ուսուցիչները Ծրագրի շրջանակներում կաշխատեն իրենց մարզերում գործող դպրոցների հետ՝ կազմակերպելով դասընթացներ, աշխատարաններ, խորհրդատվություններ և համատեղ նախագծային աշխատանքներ։
Մարզային նոր վերապատրաստող ուսուցիչները
Ուրախությամբ ներկայացնում ենք մեր թիմի նոր անդամներին, ովքեր այսուհետ կներկայացնեն Աշխարհացույցը Երևանում և ՀՀ մարզերում՝ դառնալով կրթական փոփոխությունների տեղային առաջնորդներ։
Վստահ ենք, որ այս նոր ձևաչափը հնարավորություն կտա կրթական նորարարությունները հասցնել առավել լայն լսարանի՝ ձևավորելով համագործակցային, ժամանակակից և զարգացող կրթական համայնք։
Ծրագրի մասին մանրամասներին կարող եք ծանոթանալ այստեղ։
Ծրագրին դիմելու համար՝ https://forms.gle/14B8hPzjrpZST1BM6