«Սմարթ-էկրաններ Աշխարհացույցի դպրոցներին» մրցույթը նաև նոր ավանդույթների ստեղծման մասին է
«Սմարթ-էկրաններ Աշխարհացույցի դպրոցներին» մրցույթը ոգեշնչում և պայմաններ է ստեղծում ուսուցիչների ու աշակերտների համատեղ ստեղծագործ աշխատանքի և ինքնատիպ նախագծեր իրականացնելու համար` ներկայացնելով բոլոր այն հնարավորությունները, որոնք տալիս է «Աշխարհացույց» ծրագիրը:
Մայիսի 14-ին «Վիզուալ Հայաստան» զարգացման հիմնադրամի ներկայացուցիչները հյուրընկալվել էին Երևանի Ն.Վ. Գոգոլի անվան N35 հիմնական դպրոցում` ներկա գտնվելու «Սմարթ-էկրաններ Աշխարհացույցի դպրոցներին 2024» մրցույթային ծրագրի` «Իմ ԱՇԽԱՐՀԱՑՈՒՅՑԸ`քարտեզագրելով հայ մտքի թռիչքը աստվածաշնչյան դրախտում. Հայաստան` երկիր դրախտավայր» նախագծային աշխատանքի ներկայացմանը: Նախագիծը եզակի է իր տեսակով` հագեցած բազմաթիվ ոլորտային` պատմություն, գրականություն, կեպրավեստ, երաժշտություն համադրումներով:
Մինչ բուն նախագծի ներկայացումը, Հիմնադրամի ներկայացուցիչները նաև հետևեցին մայրենի առարկայի դասապրոցեսին (միջառարկայական կապը՝ պատմություն), որն իրականացվեց «Աշխարհացույց» ծրագրի միջոցով:
Ուրախ ենք, որ կրթական գործընթացում մեր նորարական մոտեցումներով կարողանում ենք նպաստել, որպեսզի ուսուցիչներն ու աշակերտները քայլեն մերօրյա կրթական պահանջներին համընթաց:
